Ғүмерҙе бит йылдар билдәләмәй,
Йәшәү дәрте булһын күңелдә.
Сәләмәтлек, бәхет, ҡыуаныстар,
Юлдаш булһын ғүмер - ғүмергә!
Тәүәкән ауылында Оло йәштәгеләр көнөнә ҡарата матур байрам сараһы ойошторолдо. Өлкән быуын вәкилдәрен тәбрикләү, йылы ҡотлау һүҙҙәре, йыр - моң, шиғри шәлкемдәр менән үрелеп барҙы. Һәүәҫкәр артистарҙың сығыштары дәррәү алҡыштарға күмелде. Байрамдың төп хужалары ла моңло йырҙары, дәртле бейеүҙәре, рәхмәт һүҙҙәре менән тантаналы осрашыуҙы биҙәнеләр.