Бөйөк Ватан һуғышы алыҫайған һайын, яугирҙәр, уларҙың ҡаһарманлыҡтары ҡәҙерлерәк була бара. Улар, азатлыҡ өсөн көрәштә, еңеүсе булып тыуған илдәренә ҡайттылар. Күптәр, бик күптәр һуғыш яландарында мәңгелеккә ҡалды. Онотолмаҫ, ул ҡәһәрле йылдар. Яҡты киләсәк хаҡына баштарын һалған батырҙарыбыҙҙы, оноторға тейеш түгелбеҙ.

Бөйөк Еңеү көнөн билдәләү алдынан, Теләүембәт ауыл биләмәһенә ҡараған Дауыт- Ҡайып ауылында, тағы ла бер оло шатлыҡлы ваҡиға булып үтте. Ауылдың 225 - йыллығына арнап баҫтырылған "Дауыт - Ҡайып - изге тыуған бишек" - тип, исемләнгән китапты туйланылар улар.